Wiskunde, Taal en Berading
Wat is
IdaWeB?
'n Bemagtigingsentrum vanaf swangerskap tot u kind die skool verlaat.
Kind-in-Totaliteit Benadering
Ons werk vanuit ‘n siening dat die leerder uit siel, liggaam en gees bestaan. Die impak van die omgewing, en vorige ervarings speel ‘n geweldige rol in die vordering van die kind op akademiese vlak.
Uit my vorige ervarings waar ek in gewone-, privaat- en spesialeonderwys gewerk het, speel die emosionele stabiliteit van die kind ‘n uiters belangrike rol voordat leer kan plaasvind. Met ander woorde, ‘n kind moet eers veilig, geliefd en gereed wees vir leer voordat dit kan gebeur.
Die groot-, fyn- visuele- en ouditiewe ontwikkeling moet in plek wees sodat
formele leer kan gebeur. Die gebruik van suiwer taal met n ryk woordeskat is so noodsaaklik vir wiskunde, lees en spelling.
Bemagtigingsentrum
Hier by Ida Wiskunde en Berading is die leerders altyd die kern van wat ons doen. Die holistiese benadering waarmee ons jou kind help om Taal en Wiskunde probleme aan te pak, is ons wenresep.
​
Ons bied ekstra lesse aan, maksimum 5 leerders per les, individuele les, sowel as kursusse vir die ouers en onderwysers om hulleself te bemagtig sodat hul kind optimaal kan leer.
​
Tydens Covid-19 het ons begin om via aanlyn interaktiewe lesse te doen en vind dit baie suksesvol. Tans word ons lesse aangebied by Ida Wiskunde en Berading Sentrum sowel as die aanlyn klasse.
Ons sien uit om te hoor hoe jy by ons gaan inskakel al woon jy nie in Pretoria nie!
Ontmoet die Span
Ida Dawkins
Sentrum-Eienaar & Onderwyser (39 jaar ervaring)
My Godgegewe talent om kinders te onderrig, doen ek met deurnis en liefde.
'n Doelwit om ouers en kinders te bemagtig sodat hulle optimaal kan ontdek, leer en die lewe in oorvloed te leef bly altyd 'n strewe. Ons doel is om mense raak te leef met Sy liefde.
Jodri Dawkins
Tutor
Ek wil graag die Gr 11’s en Gr 12’s bemagtig om in hul wiskunde goeie resultate te behaal en doen dit deur baie geduld, deernis en liefde. Dit kan slegs gebeur indien almal selfdissipline, deursettingsvermoë en ‘n gesindheid van harde werk openbaar. Harde werk word verseker beloon.
Gerine Janse van Niewenhuizen
Onderwyser
Ek het 35 jaar onderwysondervinding en sien steeds elke kind as 'n uitdaging. Ek poog om kinders meer geskool, meer gelukkig en meer gereed vir die wêreld daar buite te laat.
Mirie Burger
Aanlyn Onderwyser
Ek is ‘n ongelooflike passievolle Wiskunde juffrou. Tesame met dit, is ek mal oor kinders van alle ouderdomme.
Dit sal vir my die grootste voorreg wees om jou te help.